2Sa 17 | ZomZIV | STEP | Ahithophel in Absalom kiangah, “Mi tul sawm le tulnih ka tengkhia dinga, David nungdelh dingin tuzan ka kuankhia ding hi.

2 Samuel 17

1 Ahithophel in Absalom kiangah, “Mi tul sawm le tulnih ka ^{▼▼17.1 Ahikeh kei hong} tengkhia dinga, David nungdelh dingin tuzan ka kuankhia ding hi. 2 Amah gima a thanem laitakin simin linthawnin ka sat dinga ^{▼▼17.2 Ahikeh ding} tua ciangin ama ompih khempeuh a taikek ding ^{▼▼17.2 Ahikeh ding} uh hi. Kumpipa bek ka sattuk dinga ^{▼▼17.2 Ahikeh ding} 3 mite khempeuh nang kong puak kik ding hi. A si dinga mi khat na zon, a vekpi-a hong ciahkikna suak dinga; mite khempeuh ka nasak kei ding hi,” a ci hi. 4 Absalom le Israel upate khempeuh in tua geelna hoih sa uh hi. ^e

5 Ahi hangin Absalom in, “Ark-te Hushai zong sam dih un, amah’n bang gen hiam za phot dih ni,” a ci hi. 6 Hushai ama kiang a tun ciangin Absalom in, “Ahithophel in hih ngaihsutna hong pia hi. A gen bangin i hih ding hiam? I hih kei ding leh na ngaihsutna hong gen in,” a ci hi.

7 Hushai in Absalom kiangah, “Ahithophel ngaihsutna tutungin hoih lo hi. 8 Na pa le a mite na theihsa ahi hi; amaute galdo siam uh a, gamlakah vompi no laksak bangin a hangsan uh hi. Tua thamlo in, na pa galdo siamsa khat hi a, zanin galkap honpi tawh a omkhawm kei ding hi. 9 Tu nangawnin suanghawm ah a buk kei leh mundang khatah om ding hi. Amah in nang galkapte hong sim masa ^{▼▼17.9 Ahikeh sim masakin mi pawlkhat si leh} leh, a zakha mi peuhmah in, “Absalom zui galkapte lakah kingawng atna om hi,’ ci ding uh hi. 10 Tua ciangin Israel khempeuh in na pa galsiam hi-a, ama ompihte galhang ahilam a theihsa uh ahi manin, humpinelkai lungsim nei a hang pente nangawn lau-in lungsi ding uh hi. ^g

11 “Tua ahi ciangin kei ngaihsutna ah: Israel mi peuhmah Dan panin Beersheba ciang - tuipi gei-a sehnel zaha tamte - kikaikhawmin, nang mahmah in galsung ah amaute na makaih ding hi. 12 Tua hileh amah a kimuhna peuhpeuh ah simin leituala daitui kia bangin ama tungah i kia ding hi. 13 Amah khuapi sungah a nung kik leh, Israel khempeuh in khauhual kengin, tua khuapi a them zong a kimuh loh dongin kuam sungah i kaimang ding hi,” a ci hi. ^h

14 Absalom le Israel mite khempeuh in, “Ahithophel ngaihsutna sangin Ark-te Hushai ngaihsutna hoihzaw hi,” a ci uh hi. Ahang in, Absalom tungah siatna a tun theih nadingin TOPA in Ahithophel piak ngaihsutna a hoihzaw-a a sehsa ahi hi.

15 Hushai in siampi Zadok le Abiathar-te kiangah, “Ahithophel in Absalom le Israel upate kiangah hih bang hih banga sep dingin gen a, ahi hangin ke’n tuaci bang tuaci banga sep dingin ka gen hi. 16 Tu mahmah in thu paisak inla David kiangah, “Sehnel gam ngahmun ah tuzan na giak kei in; na galkah pelmawh kei uh leh kumpipa le ama ompih mi khempeuh hong kivalhtum ding hi,’ ci-in gen in,” a ci hi.

17 En Rogel ah Jonathan le Ahimaaz a om uh hi. Nasem numei khat in amaute thu va puakin amaute in kumpipa kiangah pai-in a va gen ding uh ahi hi; ahang in, tuate khuapi sungah a lut ding uh lauhuai hi. 18 Ahi hangin tangval khatin amaute mu a Absalom kiangah a ko hi. Tua ciangin tua mite gel paikhia uh a, Bahurim a mi khat inn a zuan uh hi. Tuapa in a huang sungah tuidum khat a nei hi; amaute tua sungah a kumsuk uh hi. 19 A zi in tuidum sin la-in a tungah sin-a, tua tungah an a zaal hi. Tua thu kuamah in a thei kei hi. ⁱ

20 Absalom mite tua inn a numei kiang a tun uh ciangin, “Ahimaaz le Jonathan koi-ah om uh hiam?” ci-in a dong uh hi.

Numei in amaute kiangah, “Amaute lui galkah khin uh hi,” ^{▼▼17.20 Ahikeh “Amaute in tui lam manawhin tuukhawk a nawk uh hi “} a ci hi. Tua mite in a zon uh hangin kuamah mu lo uh a, tua ciangin Jerusalem ah a ciah uh hi. ^k

21 Tua mite a paikhiat khit uh ciangin amaute tuidum panin kahto uh a Kumpi David thu puak dingin a pai uh hi. Amaute in, “Manlangin paikhia unla gungal kah un; Ahithophel in no tunga hih nadingin hibang, hibangin ngaihsutna pia hi,” a ci uh hi. 22 Tua ciangin David le a ompihte khempeuh paikhia in Jordan galah a galkah uh hi. Khuavak ciangin Jordan galah a galkah nai lo khat beek a om kei uh hi.

23 Ahithophel in ama ngaihsutna a kizuih loh lam a muh ciangin a laa tutphah vawhin ama gam khuapi-a a innah a ciah hi. A innsung vai hawmsaka tua khit ciangin a gui-awk hi. Tuaci-in amah si-a a pa hanah kivui hi.

24 Mahanaim ah David pai a, Absalom le a mi Israel-te khempeuh Jordan a galkah uh hi. 25 Absalom in Joab munah galkapte a uk dingin Amasa a koih hi. Amasa pen Israel-te ^{▼▼17.25 Hebrew le Septuagint khutgelh pawlkhat; Septuagint khutgelh dangte; (1Kh. 2:17 zong en in) Ishmael-te ahikeh Jezreel-te} khat hi a, Jether ^{▼▼17.25 Hebrew ah Ithra, Jether tawh kilamdang lo} min nei mi khat tapa ahi hi. Amah in Joab’ nu Zeruiah’ sanggamnu Nahash’ tanu Abigail ^{▼▼17.25 Hebrew Abigal pen Abigali tawh kilamdang lo} a tenpih hi. 26 Israel-te le Absalom in Gilead ah giahphual a sat uh hi.

27 Mahanaim ah David a tun ciangin Rabbah pana Ammon-te Nahash’ tapa Shobi le Lo Debar pana Ammiel’ tapa Makir le Rogelim pana Gilead-te Barzillai in 28 puanlom le kuang le inn vanzatte a puak uh hi. Amaute in mangbuh le mangbuh-ham, annel le antang kansa, be le zawngbe ^{▼▼17.28 Septuagint khutgelh khempeuh le Syriac; Hebrewte ah zawngbe le antang kansa}, 29 khuaizu le nawithau-khal, tuu le bawngnawi-khalte David le a mite nek dingin a puak uh hi. Bang hang hiam cih leh amaute in, “Mite gilkialin gim uh a, sehnel gamah a dangtak uh hi,” a ci uh hi. ^p